اجمل 9+ حواديت قبل النوم باللهجة المصرية 2023

  • 21 سبتمبر 2022 , 05:09
  • قصص مكتوبة

حواديت قبل النوم باللهجة المصرية 2023 نعرضها بأسلوب سهل وممتع لأن كثير من الآباء والأمهات يفضلون قراءة القصص لأطفالهم باللغة العامية ليسهل عليهم حفظها وإعادة سردها من جديد وهو ما توفره لكم اليوم من خلال موضوع حواديت قبل النوم باللهجة العامية المصرية.

حواديت باللهجة المصرية

قصة الذئب اللطيف ليون

حدوتة قبل النوم باللهجة العامية

قصتنا النهارده عن صاحبنا الذئب ليون اللي كان عايش وحيد في الغابة مالوش أصحاب ولا اصدقاء رغم أن كل اللي في الغابة عارفينه كويس بس للأسف كلهم كانوا بيخافوا منه عشان هو اسمه ذئب.

كل ما ليون يقرب من أرنب أو سنجاب أو غزاله عشان يسلم عليهم يلاقيهم قاموا يجروا منه بعيد.

وفي يوم من الأيام قعد ليون مع كل الحيوانات وقالهم:

العيب مش مني انا ماليش ذنب أن كل الذئاب اللي انتوا اتعاملتوا معاهم كانوا وحشين أو مكارين.

قصص أطفال عن الصداقة

أما الحيوان الوحيد اللي مش بيخاف من ليون بيتكلم معاه عادي هو الثعلب فيلو، على الرغم من أنه كان معروف بمكره وخباثته والشر دايما ظاهر في عينيه بس ليون عشان مكنش له أصحاب غيره .

وفي يوم من الأيام جه الثعلب فيلو عشان يلعب مع صاحبه الذئب ليون اللعبة اللي على طول بيلعبوها وهي أن كل واحد بيسأل التاني سؤال ولما جه الدور على ليون عشان يجاوب على أسئلة فيلو ، دور فيلو حواليه على ليون بس مالقوش في اي مكان، فراح يدور عليه.

وبعد شوية لاقى ليون ورا مرج واقف ورأسه بين رجليه اللي قدام زبائن عليه الزعل أوي، فسأله فيلو : أنت انسحبت من اللعبة ليه؟

قاله الذئب ليون: أنا تعبان وبقيت أزهق من اللعبة دي .

فسأله فيلو بهزار: هو أنت وقعت على راسك ولا حاجه؟ انت عيان يا ليون أجيب لك دكتور؟

بص له ليون وقاله: دكتور! انا مش عيان ولا حاجه أنا بس مضايق وحاسس بوحدة غريبة.

زهق عليه فيلو و قاله: طب وانا مش مكفيك؟

رد ليون وقاله: ماتزعلش يا صاحبي، بس انا عاوز أصحاب كتير ألعب معاهم كل يوم ، وانت مش بشوفك كتير.

فقاله فيلو: على فكره انا كمان عايش لوحدي ، بس انا مبسوط كده، لو انت بقى اللي مش قادر تعيش من غير أصحاب فنصيحتي لك تروح بقى لحيوانات المزرعه ممكن يقبلوك وسطهم وتعيش معاهم هناك.

قصص قبل النوم بالعامية المصرية

حدوتة قبل النوم باللهجة العامية

انبسط ليون بالفكرة وبقي فرحان أوي وقال لفيلو : فكرتك حلوه يا صديقي ومن بكره الصبح هروح اعيش في المزرعه.

فقاله فيلو: بص يا صاحبي اول ما توصل المزرعه دي هتلاقي شوية فراخ سمينه وجميله كده، ابقى تضيفني عندك عشان اتعرف عليهم .

طبعاً ليون مفهمش قصد الثعلب فيلو بس ما اهتمش اوي.

وفي تاني يوم ساب ليون بيته القديم واتجه ناحية المزرعه وهو في قمة السعادة لدرجة أنه رمى مفاتيح بيته في النهر.

وفي طريقه للمزرعه الكبيرة قابل حظيرة كان فيها حمل وديع قاعد يستريح و أول ما لمح ليون من بعيد قعد يصرخ ويقول: الحقوني الحقوني الذئب هيدخل الحظيرة.

خاف ليون وهرب بسرعه وهو في غاية الحزن.

وبعد شوية مشي كمان لقى باب التي فخبطه برجله ودخل وسمع نفس الصريح : الحقوني الحقوني ! الذئب اللي افترس بنت عمي جه.

حدوتة قبل النوم باللهجة المصرية

طبعاً ليون بدأ يستغرب اكتر وأكتر من اللي بيحصل حواليه ، و مابقاش في حد بيشوفه من حيوانات المزرعة إلا ويصرخ من الخوف.

وبقى ليون ضايع حزين مش عارف ايه اللي بيحصله ولا عارف يعمل ايه ولا يروح فين ، مافيش حاجه قدامه غير أنه يقعد في نص ساحة المزرعة.

وهو قاعد حزين لوحده سمع صوت دجاجتين وهما بيقربوا منه فبص عليهم لاقى دجاجتين وراهم دجاجتين كمان جايين عليه فسألته واحده منهم: أنت بتدور على حد هنا؟

رد ليون وقالهم: لأ خالص أنا بس بحاول أفهم ايه اللي بيحصل حواليا ده ، انا معملتش لحد حاجه وحشه، والثعلب صاحبي قعد يقولي أن المزرعه هنا هتبقى زي الجنة.

و أول ما خلص ليون كلامه كاكت الفراخ كلها بصوت عالي أوي وقالوا له في نفس اللحظة: أنت بتتكلم عن … تاني كده معلش انت تقصد الثعلب؟

فقالت واحده تانيه: دا بيتكلم عن اللي بيتقفل بيتوا، ايوه والله ده كان بيتكلم عنه ده انا سمعت كل حاجه.

الفراخ بصت لبعض وقامت تجري تنقنق وتوقف وهي بتقول برضوا: الحقونااا ، الثعلب بعت لنا ده يهربوا بسرعة.

دخل الديك الكبير العشه ودخل كل فراخه وقفل عليهم الباب .

وجريت كل الحيوانات اللي كانت بره في الساحة ودخلوا جحورهم وعششهم.

بدأ ليون يفهم شوية اللي بيحصل بس مش قادر يستوعب ولا قادر يتحرك من مكانه، كانت حالته وحشه خالص واقف وحيد وسط كل الفوضى والهرج اللي حصلت بسببه في المزرعه.

وفي لحظة سريعة اتفاجأ ليون أن الحيوانات كلها تجمعت حواليه هما متفقين انهم طردوه بره المزرعه بالقوة.

حواديت قبل النوم للأطفال بالعامية

حدوتة قبل النوم باللهجة المصرية

اتشجع ليون شوية وقام وقف على رجليه بشجاعة وقالهم:

سامحوني، انا بس كل اللي كنت عاوزه أن يبقى ليا أصحاب أعيش وسطهم ومعاهم بس، انا كنت جاي مفكر اني هكون صاحبكم وتحبوني وأحبكم، بس للاسف كل ما أروح في مكان الاقيه اتقلب رعب وخوف مني، ليه كده؟ ليه محدش بيحبني؟ ليه مش عارفه يبقى ليا أصحاب ألعب معاهم وأعيش وسطهم؟

كلام ليون كان مؤثر جدا وزعل كل الحيوانات عليه و تأسفت لليون عشان موقفها منه والطريقة الوحشه اللي استقبلوه بها .

قرب الكلب باتو العجوز بتاع المزرعه من ليون وحط رجله على كتفه وقاله:

أنا فعلاً كبرت في السن أوي وبقيت اتعب بسرعه ومحتاجه حد يساعدني في حراسة المزرعه، ومش عاوزك تخاف أو تقلق شغل الحراسة سهل أوي ومش متعب خالص ، وأنا هعلمك كل حاجه ببساطة.

وافق ليون طبعاً على عرض باتو الكلب وبدأ يشتغل معاه من تاني يوم، ولأن ليون كان مخلص في شغله وقلبه طيب وكويس مع الكل ، جميع حيوانات المزرعة حبته وبقي ليون افضل حيوان وأطيب صديق حتى عند صاحب المزرعة نفسه ، وحتى ليون نفسه مزعلش خالص أنه بقى كلب ذئب يحرس مزرعة لأن فرحته بالصداقات الجديدة كانت أكبر.

عزيزي القارئ نتمنى أن نكون قد وفقنا في موضوع حواديت قبل النوم باللهجة المصرية 2023 ونحن على استعداد لتلقي تعليقاتكم واستفساراتكم وسرعة الرد عليها.

تعليقات (0)

    لم يتم إضافة تعليقات لهذا المقال.